ბავშვთა კვების უსაფრთხოება მხოლოდ სამზარეულოს სისუფთავეს არ ნიშნავს.
უსაფრთხო კვების სისტემა მოიცავს სურსათის მიღებასა და შენახვას, ტემპერატურულ კონტროლს, პერსონალის ჰიგიენას, დასუფთავება-დეზინფექციას, მიკვლევადობას, ალერგენების მართვას, შესაბამისი ჟურნალების წარმოებას და HACCP-ის სისტემის რეალურ მუშაობას.
საბავშვო ბაღში კი ამ პროცესების მნიშვნელობა განსაკუთრებით მაღალია, რადგან მომსახურების მომხმარებლები ბავშვები არიან.
რას ვთავაზობთ მშობლებს?
Georgian HACCP Alliance იწყებს ინიციატივას, რომლის მიზანია მშობლების მოთხოვნის საფუძველზე საბავშვო ბაღებში სურსათის უვნებლობის დამოუკიდებელი პროფესიული შეფასების ხელშეწყობა.
თუ გსურთ, რომ თქვენი შვილის ბაღში დამოუკიდებელმა სპეციალისტმა შეაფასოს კვების პროცესთან დაკავშირებული ძირითადი საკითხები, შეგიძლიათ შეავსოთ ონლაინ მოთხოვნის ფორმა.
მოთხოვნების საფუძველზე GHA მიმართავს შესაბამის ბაღს ან ბაღების მართვის უფლებამოსილ ორგანიზაციას და ოფიციალურად მოითხოვს დამოუკიდებელი აუდიტის ჩატარების შესაძლებლობას.
რას შევამოწმებთ, თუ ადმინისტრაცია აუდიტზე თანხმობას მოგვცემს?
შეფასება შეიძლება მოიცავდეს:
- სურსათის მიღებისა და შენახვის პირობებს;
- მაცივრებისა და საყინულეების ტემპერატურულ რეჟიმებს;
- ნედლი და მზა პროდუქტის განცალკევებას;
- პერსონალის ჰიგიენას;
- ხელების დაბანისა და დეზინფექციის პირობებს;
- სამზარეულოსა და ინვენტარის სანიტარიულ მდგომარეობას;
- დასუფთავებისა და დეზინფექციის პროცედურებს;
- მავნებლების კონტროლს;
- მიკვლევადობას;
- შესაბამის ჟურნალებსა და ჩანაწერებს;
- HACCP-ის სისტემის ფაქტობრივ ფუნქციონირებას.
ეს არ წარმოადგენს სახელმწიფო ინსპექტირებას და GHA არ ახორციელებს ადმინისტრაციული სანქციების ან ჯარიმების გამოყენებას.
ჩვენი მიზანია დამოუკიდებელი პროფესიული შეფასება, შესაძლო რისკების გამოვლენა და მათი გამოსწორების რეკომენდაციების მომზადება.
კონფიდენციალურობა
ონლაინ ფორმაში მოწოდებული პირადი ინფორმაცია გამოყენებული იქნება მხოლოდ:
- მოთხოვნის დასადასტურებლად;
- საჭიროების შემთხვევაში მშობელთან დასაკავშირებლად;
- კონკრეტულ ბაღთან დაკავშირებული მოთხოვნების რაოდენობის დასადგენად;
- შესაბამისი ადმინისტრაციისთვის დამოუკიდებელი შეფასების ოფიციალური მოთხოვნის მოსამზადებლად.
მშობლის სახელი, საკონტაქტო ინფორმაცია ან სხვა პერსონალური მონაცემი საჯაროდ არ გამოქვეყნდება მისი ცალკე თანხმობის გარეშე.
ბაღისთვის ან შესაბამისი დაწესებულებისთვის გაგზავნილ ერთობლივ მოთხოვნაში შესაძლებელია გამოყენებული იყოს მხოლოდ მოთხოვნათა რაოდენობა, თუ მშობელი არ მისცემს GHA-ს საკუთარი სახელის მითითების ნებართვას.
ბავშვის სახელი, ჯანმრთელობის მდგომარეობა ან სხვა განსაკუთრებული კატეგორიის პერსონალური ინფორმაცია ფორმით მოთხოვნილი არ იქნება.
მნიშვნელოვანია
ონლაინ მოთხოვნის შევსება ავტომატურად არ ნიშნავს, რომ GHA-ს კონკრეტულ ბაღში შესვლის უფლებამოსილება ენიჭება.
დამოუკიდებელი აუდიტი განხორციელდება მხოლოდ შესაბამისი დაწესებულების ან უფლებამოსილი ადმინისტრაციის ოფიციალური თანხმობის შემთხვევაში.
თუმცა მშობლების ერთობლივი მოთხოვნა საშუალებას გვაძლევს ოფიციალურად დავაყენოთ საკითხი და მოვითხოვოთ დამატებითი გამჭვირვალობა ბავშვთა კვების უსაფრთხოების მიმართულებით.
გსურთ თქვენი შვილის ბაღში დამოუკიდებელი სურსათის უვნებლობის შეფასება?
შეავსეთ ონლაინ მოთხოვნა
Georgian HACCP Alliance
სურსათის უვნებლობა იწყება პრევენციით.