შპს „საქართველოს ჰასპის ალიანსი“ (GHA) აფართოებს საქმიანობას თბილისში და ეძებს HACCP სპეციალისტს / საკონსულტაციო პარტნიორს, რომელიც პროექტების მიხედვით ჩაერთვება ადგილზე მომსახურებაში.
თანამშრომლობის ფორმა
ეს არ არის მუდმივი შტატიანი პოზიცია და არ გულისხმობს ფიქსირებულ ყოველთვიურ ხელფასს.
თანამშრომლობა იქნება პროექტზე დაფუძნებული, კონკრეტული დაკვეთებისა და სამუშაოს მოცულობის მიხედვით.
სპეციალისტი ჩაერთვება მხოლოდ მაშინ, როდესაც GHA-ს ექნება შესაბამისი პროექტი ან მოქმედი კლიენტი თბილისში.
ძირითადი ფუნქციები
სპეციალისტის მოვალეობებში შევა:
- კვების ობიექტებზე ადგილზე ვიზიტი;
- HACCP-ის კუთხით არსებული მდგომარეობის შეფასება;
- შეფასების ჩეკლისტის შევსება;
- ფოტომასალისა და საჭირო ინფორმაციის შეგროვება;
- პროცესების ადგილზე გადამოწმება;
- ტემპერატურული კონტროლის, ჰიგიენის, დასუფთავება-დეზინფექციისა და ჩანაწერების შეფასება;
- საჭიროების შემთხვევაში პერსონალთან მოკლე კონსულტაცია;
- GHA-სთვის შეფასების შედეგებისა და რეკომენდაციების მიწოდება;
- პერიოდულ მონიტორინგში მონაწილეობა;
- საჭიროების შემთხვევაში განმეორებითი ვიზიტი.
HACCP სისტემის ძირითადი დოკუმენტაციის მომზადება, პროექტის მართვა და კლიენტთან საბოლოო კოორდინაცია განხორციელდება GHA-ს მიერ.
საკვალიფიკაციო მოთხოვნები
კანდიდატს უნდა ჰქონდეს:
- სურსათის უვნებლობისა და HACCP-ის პრაქტიკული ცოდნა;
- შესაბამისი პროფესიული სერტიფიკატი/სერტიფიკატები;
- კვების ობიექტებთან მუშაობის გამოცდილება;
- პასუხისმგებლობის მაღალი გრძნობა;
- დოკუმენტაციისა და ჩანაწერების სწორად წარმოების უნარი;
- ქართულ ენაზე გამართული კომუნიკაციის უნარი;
- თბილისში და თბილისის ფარგლებში ობიექტებზე გადაადგილების შესაძლებლობა.
უპირატესობა მიენიჭება კანდიდატს, რომელსაც აქვს:
- HACCP სისტემის დანერგვის გამოცდილება;
- აუდიტის ან ინსპექტირების გამოცდილება;
- ტრენინგების ჩატარების გამოცდილება;
- SOP-ებთან, ჟურნალებთან და მონიტორინგის ფორმებთან მუშაობის გამოცდილება.
ანაზღაურება
ანაზღაურება განისაზღვრება თითოეული პროექტის სამუშაოს მოცულობის მიხედვით.
საორიენტაციო მოდელი:
სტანდარტული ერთჯერადი პროექტი: დაახლოებით 100–150 ლარი;
თუ პროექტი მოიცავს დამატებით სამუშაოებს, განმეორებით ვიზიტს, ტრენინგს ან უფრო ფართო ჩართულობას, ანაზღაურება იზრდება შეთანხმების საფუძველზე.
ყოველთვიური მომსახურება
GHA-ს კლიენტების ყოველთვიური მომსახურების შემთხვევაში სპეციალისტს შეიძლება დაევალოს კონკრეტულ ობიექტზე პერიოდული ადგილზე მონიტორინგი.
ასეთ შემთხვევაში ანაზღაურება განისაზღვრება თითო ობიექტზე / თითო ვიზიტზე ცალკე შეთანხმებით.
კლიენტების რაოდენობის ზრდასთან ერთად შესაძლებელია ერთ დღეში რამდენიმე ობიექტის მონიტორინგის დაგეგმვა.
კლიენტის მოყვანის ბონუსი
თუ სპეციალისტი თავად მოიყვანს ახალ კლიენტს და კლიენტთან გაფორმდება მომსახურების ხელშეკრულება, შესაძლებელია დამატებითი რეფერალური ბონუსის შეთანხმება.
მნიშვნელოვანი პირობები
კანდიდატმა წინასწარ უნდა გაითვალისწინოს:
- თანამშრომლობა არ არის გარანტირებული სამუშაო საათების ან პროექტების კონკრეტული რაოდენობით;
- პროექტები შეიძლება იყოს როგორც ერთჯერადი, ასევე პერიოდული;
- ანაზღაურება გაიცემა შესრულებული სამუშაოს მიხედვით;
- ყველა პროექტი ხორციელდება GHA-ს სახელით და GHA-ს სამუშაო სტანდარტების შესაბამისად;
- კლიენტთან მომსახურების ფინანსურ პირობებს განსაზღვრავს GHA;
- GHA-ს კლიენტთან დამოუკიდებელი ფინანსური შეთანხმების დადება დაუშვებელია;
- პროექტის ფარგლებში მიღებული ინფორმაცია კონფიდენციალურია;
- სამუშაოს შესრულებისას აუცილებელია შეთანხმებული ჩეკლისტების, ფორმებისა და პროცედურების გამოყენება;
- სპეციალისტმა შესრულებული სამუშაო უნდა დაადასტუროს შესაბამისი ანგარიშით/ჩეკლისტით;
- უხარისხოდ, არასრულად ან შეთანხმებული პირობების დარღვევით შესრულებული სამუშაო არ ჩაითვლება დასრულებულ მომსახურებად;
- თანამშრომლობა ფორმდება შესაბამისი მომსახურების ხელშეკრულებით.
ვის ვეძებთ
ვეძებთ ადამიანს, რომელსაც რეალურად სურს გრძელვადიანი პროფესიული თანამშრომლობა და შეუძლია პასუხისმგებლობის აღება კონკრეტულ პროექტებზე.
ჩვენთვის მნიშვნელოვანია სანდოობა, პროფესიონალიზმი და შეთანხმებული სამუშაოს დროულად შესრულება.
თუ კანდიდატი ეძებს მხოლოდ ფიქსირებულ შტატს ან გარანტირებულ ყოველთვიურ ხელფასს, მოცემული თანამშრომლობის ფორმა მისთვის არ იქნება შესაბამისი.
განაცხადის გასაგზავნად
დაინტერესებულმა კანდიდატმა უნდა გამოგზავნოს:
- CV;
- HACCP-ისა და სურსათის უვნებლობის სერტიფიკატები;
- მოკლე ინფორმაცია პრაქტიკული გამოცდილების შესახებ;
- სურვილის შემთხვევაში რეკომენდაციები ან შესრულებული პროექტების მაგალითები.
შპს „საქართველოს ჰასპის ალიანსი“ GHA
განაცხადი უნდა გამოაგზავნოთ მითითებულ მაილზე: info@gha.ge