შპს „საქართველოს ჰასპის ალიანსის“ ორგანიზებით და ზუგდიდის მუნიციპალიტეტის მხარდაჭერით, ზუგდიდში წარმატებით ჩატარდა HACCP (Hazard Analysis and Critical Control Points) ტრენინგი, რომელმაც საზოგადოების მხრიდან განსაკუთრებული ინტერესი გამოიწვია.
ტრენინგზე რეგისტრაციამ ყოველგვარ მოლოდინს გადააჭარბა, მონაწილეთა რაოდენობის ზრდის გამო რეგისტრაცია ვადაზე ადრე დაიხურა. ღონისძიებაში მონაწილეობდნენ როგორც ზუგდიდის ბაღების გაერთიანების წარმომადგენლები, ისე კერძო კვების ობიექტების თანამშრომლები და სურსათის უვნებლობის საკითხებით დაინტერესებული პირები.
ტრენინგის ფარგლებში განხილული იყო:
– HACCP სისტემის ძირითადი პრინციპები
– სურსათის უვნებლობის თანამედროვე სტანდარტები
– საფრთხეების ანალიზი და კონტროლი
– ჰიგიენისა და მონიტორინგის მართვა
– დოკუმენტაციის სწორად წარმოება
– პრაქტიკული მაგალითები რეალური სამუშაო პროცესებიდან
ღონისძიება ინტერაქციულ ფორმატში ჩატარდა, სადაც მონაწილეებს შესაძლებლობა ჰქონდათ მიეღოთ პრაქტიკული ინფორმაცია, დაესვათ კითხვები და გაცნობოდნენ HACCP სისტემის რეალურ დანერგვის პროცესს.
ტრენინგის დასრულების შემდეგ მონაწილეებს გადაეცათ შესაბამისი სერტიფიკატები.
შპს „საქართველოს ჰასპის ალიანსისთვის“ აღნიშნული ტრენინგი კიდევ ერთი მნიშვნელოვანი ნაბიჯი აღმოჩნდა რეგიონებში პროფესიული განათლებისა და სურსათის უვნებლობის კულტურის განვითარების მიმართულებით.
განსაკუთრებული მადლობა ზუგდიდის მუნიციპალიტეტის მერიას მხარდაჭერისთვის, ასევე თითოეულ მონაწილეს აქტიურობისთვის, ჩართულობისთვის და ნდობისთვის.
მაღალი ინტერესიდან გამომდინარე, კომპანია უკვე განიხილავს დამატებითი რეგიონული ტრენინგების ჩატარებას საქართველოს სხვადასხვა ქალაქში.